27 Avgust 2023
1157
Bahodir Jalolov Osiyo o‘yinlariga ko‘tarinki ruhda yo‘l oladi
Boks bo‘yicha O‘zbekiston terma jamoasi a’zosi Bahodir Jalolov AQShning Oklahoma shahrida tashkil etilgan professional boks kechasida navbatdagi g‘alabasini qo‘lga kiritdi. Nigeriyalik Onoriode Exvariomega qarshi ringga ko‘tarilgan yurtdoshimiz birinchi raundning o‘zidayoq raqibini kuchli zarbalari oldida ojiz qoldirdi va professional boksdagi 13-jangini ham nokaut bilan yakunladi.
Qayd etish joiz, bu jang Jalolovning Xanchjou-2022 Osiyo o‘yinlariga tayyorgarlik rejasidan o‘rin olgan muhim bosqichlardan biri edi. Bokschimiz bir necha kun ichida Toshkentga qaytib keladi va tayyorgarlikni davom ettiradi. Rejaga ko‘ra, 12-sentyabr kuni Xanchjou shahriga yo‘l olib, o‘sha yerda Osiyo o‘yinlariga so‘nggi tayyorgarlikni olib boradi.
