Xorvatiyada dzyudo boʻyicha oʻsmirlar oʻrtasidagi jahon chempionatining yakkalik bellashuvlari nihoyasiga yetdi. Bugungi kun bellashuvlarida Oʻzbekiston terma jamoasi hisobiga yana 2 bronza medali yozib qoʻyildi.

Uchinchi oʻrin uchun kechgan bellashuvlarda Hakimjon Mahkamov (-90 kg) shvetsiyalik Emil Jabiyevdan, Mushtariybegim Afsalova esa italiyalik Aurora Mengiadan ustun keldi. Shu tariqa, yakkalik bellashuvlarini terma jamoamiz 6 ta bronza medali bilan yakunladi. Ertaga aralash jamoaviy yoʻnalishda medallar oʻynaladi.