25 Avgust 2023
805
Jahon chempionatida yana ikki medal
Xorvatiyada oʻtayotgan dzyudo boʻyicha oʻsmirlar oʻrtasidagi jahon chempionatida Oʻzbekiston terma jamoasi yana ikkita bronza medaliga sazovor boʻldi. Bugun hamyurtlarimizdan Nigina Saparbayeva hamda Azamat Ablakulov shohsupaga koʻtarilishdi.
-63 kg vazn toifasida bahs olib borgan Saparboyeva bronza medali uchun kechgan kurashda moʻgʻulistonlik Yesui Darxanbatbayarni magʻlubiyatga uchratishga erishdi. -73 kg vazn toifasida yarim finalgacha yetib borgan Azamat Ablakulov esa uchinchi oʻrin uchun bahsda vengriyalik Bulksu Pinterdan ustun keldi.
Shu tariqa, bugungacha mazkur musobaqada jamg’argan medallarimiz 4 ta bronzani tashkil qilmoqda.
