Baydarka va kanoeda eshkak eshish boʻyicha jahon chempionatining ikkinchi kun bellashuvlari oʻz yakuniga yetdi. Maʼlum qilganimizdek, unda 3 yoʻnalishda yurtdoshlarimiz bahs olib bordilar.

Baydarkachilarimiz Yekaterina Shubina hamda Arina Tanatmisheva, shuningdek, kanoechilarimiz Artur Guliyev va Kamronbek Axtamov 500 metrga kechgan saralash poygalarida muvaffaqiyatli ishtirok etib, 26-avgust kuni boʻladigan yarim final bahsida startga chiqadigan boʻldilar. Afsuski, ushbu masofada yarim finalda startga chiqqan Gulbahor Fayziyeva hamda Nilufar Zokirova juftligi medallar uchun kurashdan chiqib ketdi.