24 Avgust 2023
1041
Bekzod Abdurahmonov nomzodi Osiyo Olimpiya kengashi atletlar komissiyasi aʼzoligiga ilgari surildi
Osiyo Olimpiya kengashi Atletlar komissiyasi aʼzoligiga nomzodlar roʻyxatini eʼlon qildi. Quvonarlisi, ular orasida erkin kurash boʻyicha Tokio-2020 Olimpiya oʻyinlari sovrindori, hamyurtimiz Bekzod Abdurahmonov ham bor. Yurtdoshimiz nomzodi Markaziy Osiyo mintaqasidan ilgari surilgan.
Mintaqamizdan 3 nafardan erkak va ayol nomzodlar koʻrsatib oʻtilgan. Yakunda ular orasidan 1 nafardan atletlar ovoz berish yoʻli orqali aniqlab olinadi. Mazkur jarayon Xanchjou-2022 Osiyo oʻyinlari doirasida, aniqrogʻi, Oʻyinlar ochilish marosimidan 1 kun keyin boshlanib, yopilish marosimidan 2 kun avval yakunlanadi.
