Germaniyada kun sarhisobi
Duysburgda baydarka va kanoeda eshkak eshish boʻyicha jahon chempionatining birinchi kun bahslari yakunlandi. Unda ishtirok etgan kanoechimiz Artur Guliyev 200 metrga kechgan bahsda oʻz guruhida birinchi boʻlib A finaliga yoʻl oldi. Shuningdek, Gulbahor Fayziyeva va Nilufar Zokirova juftligi ham ushbu masofada kechgan saralashdan muvaffaqiyatli oʻtib, A finalida ishtirok etadigan boʻldi.
500 metr masofada oʻtkazilgan bahslarda yurtdoshlarimiz toʻgʻridan toʻgʻri A finaliga yoʻl olisholmadi. Fayziyeva/Zokirova dueti, shuningdek, Yekaterina Shubina, Yuliya Borzova, Arina Tanatmisheva hamda Kamila Malaxovadan iborat baydarkachi qizlarimiz kvarteti yarim final orqali medallar uchun kurashni davom ettiradigan boʻlishdi.
Ushbu dasturlardagi barcha poygalar 25-avgust sanasiga belgilangan.
