Toshkent viloyati Boʻstonliq tumani yoʻllarida velosportning shosse yoʻnalishi boʻyicha kattalar oʻrtasida Oʻzbekiston chempionati boʻlib oʻtdi. Unda Respublikamizning turli hududlaridan tashrif buyurgan 100 nafardan ziyod sportchi gʻoliblik uchun bahs olib bordi.

Ahamiyatli tomoni musobaqada irlandiyalik xalqaro toifadagi hakam Kevin Uotson faoliyat olib borib, mahalliy mutaxassislarga oʻz bilimlarini ulashdi. Kutilganidek, poygalar davomida asosiy terma jamoa yetakchilari oʻz ustunliklarini namoyish qilishdi. 4 dasturda kechgan musobaqada Dmitriy Bocharov, Aleksey Fomovskiy, Olga Zabelinskaya, Yanina Kuskova oltin medallarni qoʻlga kiritishdi. Batafsil:

Erkaklar, alohida start poygasi:

1. Aleksey Fomovskiy

2. Murodjon Xolmurodov

3. Dmitriy Bocharov

Guruh poygasi, 128 km:

1. Dmitriy Bocharov

2. Edem Eminov

3. Daniil Yevdokimov

Ayollar, alohida start poygasi:

1. Olga Zabelinskaya

2. Yanina Kuskova

3. Margarita Misyurina

Guruh poygasi, 96 km:

1. Yanina Kuskova

2. Margarita Misyurina

3. Sofiya Karimova