Dunyoning eng kuchli badiiy gimnastikachilari Ispaniyaning Valensiya shahrida jam boʻlishdi. 23-27-avgust kunlari ushbu shahar jahon chempionatiga mezbonlik qiladi. Olimpiya oʻyinlariga yoʻllanma beruvchi mazkur musobaqada bugun va ertaga koʻpkurash dasturi boʻyicha saralash bahslari boʻlib oʻtadi.

Unda kuchli 14 talikdan joy olgan sportchilar Parij-2024 yoʻllanmasiga ega boʻlishadi. Eslatib oʻtamiz, mazkur yoʻnalishda hamyurtlarimizdan Taxmina Ikromova hamda Evelina Atalyans oʻz mahoratini namoyish etishadi.