Dzyudo boʻyicha Oʻzbekiston ayollar terma jamoasi Xanchjou-2022 Osiyo oʻyinlariga tayyorgarlikni qizgʻin davom ettirmoqda. Sportchilarimiz “Yangiobod sport bazasi”da navbatdagi yigʻinni yakunlashdi. 8-22-avgust kunlari oʻtkazilgan mashgʻulotlarda 28 nafar sportchi qatnashdi. Unda asosan jismoniy tayyorgarlik va texnik harakatlarni yaxshilashga ahamiyat qaratildi. Endi dzyudochi qizlarimiz 28-avgust – 7-sentyabr kunlari Toshkentda oʻtadigan xalqaro yigʻinda ishtirok etishadi.