Konkur boʻyicha Oʻzbekiston terma jamoasi aʼzosi Bekzod Qurbonov Boborovko shahrida tashkil etilayotgan CSI 2* tasnifidagi xalqaro musobaqada ishtirok etishi haqida maʼlum qilgan edik.

Yurtdoshimiz musobaqaning birinchi kunidayoq ikki bor shohsupaga koʻtarildi. Balandligi 140 smni tashkil etgan toʻsiqlardan sakrash dasturida Qurbonov oltin medalni qoʻlga kiritdi. Mazkur yoʻnalishda unga “Santos Xipika” laqabli tulpori hamrohlik qildi. Shuningdek, “Ledi” oti bilan 130 smdagi dasturda uchinchi oʻrinni egalladi.