Xorvatiyada start olgan dzyudo bo'yicha Zagreb Gran-prisining birinchi kuni Oʻzbekiston terma jamoasi uchun omadli oʻtdi. Unda -66 kg vazn toifasida ishtirok etgan hamyurtlarimiz Sardor Nurillayev va Muhriddin Tilovov sovrindorlar qatoridan joy olishdi.

Tokio-2020 Olimpiadasi ishtirokchisi Nurillayev qiziqarli kechgan finalda braziliyalik Villian Limaga imkoniyatni boy berib, kumush medalni qoʻlga kiritdi. Bronza medali uchun kechgan bellashuvda ispaniyalik David Torneni magʻlub etgan Tilovov esa shohsupaning uchinchi pogʻonasidan joy oldi.

Ushbu muvaffaqiyat orqali jahon va Parij-2024 reytingi uchun Nurillayev 490, Tilovov esa 350 ochkoni oʻz hisobiga qoʻshib qoʻymoqda.