18 Avgust 2023
901
Badiiy gimnastikachilarimiz jahon chempionatiga tayyorlanishmoqda
Badiiy gimnastika boʻyicha Oʻzbekiston terma jamoasi ayni kunlarda Ozarbayjon poytaxtida oʻquv-mashgʻulot yigʻinini olib bormoqda. Mazkur yigʻin 23-27-avgust kunlari Ispaniyaning Valensiya shahrida oʻtadigan litsenzion jahon chempionatiga tayyorgarlikning soʻnggi bosqich vazifasini oʻtab beradi.
Jahon chempionatida Taxmina Ikromova hamda Evelina Atalyans yakkalik, Shahzoda Ibragimova, Mariya Pak, Mumtoza Isʼhoqzoda, Nargiza Jumaniyozova, Ruxshona Dehqonova, Iroda Sodiqova guruh mashqlari dasturida yurtimiz sharafini himoya qilishadi. Tarkibdan E. Atalyans Toshkentda alohida dasturda tayyorgarlik koʻrmoqda. Qolgan barcha sportchilar Bokuda boʻlib turishibdi va ular 20-avgust sanasida Ispaniyaga yoʻl olishadi.
