Budapeshtga yetib borgan yengil atletikachilarimiz mashgʻulotlarni boshlashdi. Eslatib oʻtamiz, Oʻzbekiston terma jamoasi 19-27-avgust kunlari Vengriyada oʻtkaziladigan jahon chempionatida 5 nafar sportchi bilan ishtirok etadi. Hamyurtlarimiz birinchi kunning oʻzidan bahslarga kirishishadi. Goʻzal Hubbiyeva boshchiligidagi atletlarimiz reja asosida musobaqadan avval soʻnggi tayyorgarlik jarayonini olib borishmoqda.