14 Avgust 2023
827
Kamonchilarimiz Jahon kubogiga jo‘nab ketishdi
Kamondan otish boʻyicha Oʻzbekiston terma jamoasi aʼzolari Fransiyaga yoʻl olishdi. Hamyurtlarimiz 15-20-avgust kunlari Parij shahrida tashkil etiladigan Jahon kubogi bosqichida ishtirok etishadi.
Bellashuvlarda Ziyodaxon Abdusattorova hamda Amirxon Sodiqov yurtimiz sharafini himoya qiladilar. Yurtdoshlarimiz Jahon kubogi davomida yakkalik va mikst dasturlarida medallar uchun kurash olib borishadi.
Qayd etish joiz, mazkur musobaqa Parij-2024 Olimpiya oʻyinlari uchun sinov turniri vazifasini oʻtab beradi. Bellashuvlar XVII asrga oid “Nogironlar uyi” saroyida tashkil etiladi. Aynan ushbu manzil kelasi yil Olimpiya oʻyinlarining kamondan otish bahslariga mezbonlik qiladi.
