23-27-avgust kunlari Germaniyaning Duysburg shahri baydarka va kanoeda eshkak eshish bo‘yicha navbatdagi jahon chempionatiga mezbonlik qiladi. Dunyoning eng kuchli eshkak eshuvchilari qatnashadigan mazkur musobaqada O‘zbekiston terma jamoasi ham ishtirok etadi.

Qayd etish joiz, ushbu musobaqada Olimpiya dasturidan o‘rin olgan masofalarda Parij-2024 yo‘llanmalari o‘ynaladi. Shu bois, unga bo‘lgan qiziqish yanada yuqori. Hamyurtlarimiz musobaqaga 21-avgust kuni jo‘nab ketishadi. Unda jamoamiz quyidagi tarkibda qatnashadi:

Kanoe: Artur Guliyev, Kamronbek Axtamov, Gulbahor Fayziyeva, Nilufar Zokirova.

Baydarka: Kamila Malaxova, Yuliya Borzova, Yekaterina Shubina, Arina Tanatmisheva.