Xabar berib oʻtganimizdek, 19-27-avgust kunlari Budapesht shahrida yengil atletika boʻyicha navbatdagi jahon chempionati boʻlib oʻtadi. Unda ishtirok etadigan Oʻzbekiston terma jamoasining aʼzolari Sharifa Davronova, Yekaterina Voronina, Safina Sadullayeva hamda Anvar Anvarov bugun Vengriyaga yoʻl olishdi. Jamoamizning yana bir aʼzosi Yekaterina Tunguskova esa 14-avgust kuni uchib ketadi. Yurtdoshlarimizning musobaqadagi taqvimini yana bir bor eslatib oʻtamiz:

19-avgust: Yekaterina Voronina (100 metrga toʻsiqlar osha yugurish, balandlikka sakrash, yadro uloqtirish va 200 metrga yugurish);
Sharifa Davronova (uch hatlab sakrash, saralash);

20-avgust: Yekaterina Voronina (uzunlikka sakrash, nayza uloqtirish, 800 metrga yugurish);

21-avgust: Sharifa Davronova (uch hatlab sakrash, final);

23-avgust: Anvar Anvarov (uzunlikka sakrash, saralash);

24-avgust: Anvar Anvarov (uzunlikka sakrash, final);

25-avgust: Safina Sadullayeva (balandlikka sakrash, saralash);

26-avgust: Yekaterina Tunguskova (marafon, final);

27-avgust: Safina Sadullayeva (balandlikka sakrash, final).

Oʻzbekiston Milliy Olimpiya qoʻmitasi boʻlajak musobaqada qatnashadigan yurtdoshlarimizga omad tilaydi.