11-15-avgust kunlari Toshkentda futbol boʻyicha “Mirabror Usmonov xalqaro xotira turniri” boʻlib oʻtadi. 15 yoshgacha boʻlgan oʻsmirlar oʻrtasidagi mazkur musobaqada Oʻzbekiston, Chernogoriya, Saudiya Arabistoni va BAA jamoalari ishtirok etishadi.

Musobaqaning ochilish oʻyini 11-avgust kuni “Bunyodkor” stadionida oʻtkaziladi. Unda yosh hamyurtlarimiz BAA vakillariga qarshi maydonga tushishadi. Barcha muxlislarni yurtimiz futbolining ertangi yulduzlarini kashf qilib beradigan ushbu xotira turniriga taklif etamiz. Hamma uchrashuvlarga kirish bepul. Taqvim:

11-avgust: Oʻzbekiston – BAA 
13-avgust: Oʻzbekiston – Saudiya Arabistoni 
15-avgust: Oʻzbekiston – Chernogoriya