4 Avgust 2023
871
Diyora Keldiyorova bronza medali uchun kurashadi
Vengriyada start olgan dzyudo boʻyicha “Masters” musobaqasining birinchi kunida medallar uchun kurashadigan sportchilar nomi maʼlum boʻldi. Unga koʻra Diyora Keldiyorova bronza medali uchun bahs olib boradi.
Dastlab janubiy koreyalik raqibasidan ustun kelgan samarqandlik sportchimiz ikkinchi davrada ozarbayjonlik dzyudochini magʻlubiyatga uchratdi. Afsuski, chorak finalda mezbonlar vakilasi Reka Pupga imkoniyatni boy berib qoʻydi. Oʻtish bosqichida germaniyalik Masha Ballxaus magʻlub etilgach, Kelidyorova shohsupaga koʻtarilish imkoniyatini saqlab qoldi. Endi u uchinchi oʻrin uchun Buyuk Britaniya sportchisi Chelsi Jayls bilan kurashadi.
