3 Avgust 2023
569
Xanchjou-2022 obyektlari: Futbolchilarimiz guruh bahslarini oʻtkazadigan “Shangcheng Stadium”
Siz aziz obunachilarimizni Xanchjou-2022 Osiyo oʻyinlarining yana bir arenasi bilan tanishtiramiz. Bugungi maʼlumotlarimiz “Shangcheng Stadium” haqida.
Stadion 13,544 tomoshabinga moʻljallangan. Majmuada yengil atletika bahslarini ham oʻtkazish imkoniyati bor. Biroq bu manzilda Oʻyinlar davomida faqatgina futbol uchrashuvlari tashkil etiladi. Arenada jami 11 ta uchrashuv oʻtkazilishi belgilab qo’yilgan. Shu jumladan, Timur Kapadze boshchiligidagi yigitlarimizning guruh bosqichidagi oʻyinlariga aynan mazkur stadionda guvoh bo’lamiz.
