Taekvondo WT boʻyicha Oʻzbekiston terma jamoasi yetakchilaridan biri Svetlana Osipova faoliyatidagi sovrinlar qatoriga Butunjahon yozgi Universiada oʻyinlarining medalini ham qoʻshib qoʻydi.

Bugun yurtdoshimiz -73 kg vazn toifasida kechgan bellashuvlarda bronza medaliga sazovor boʻldi. Osipova murosasiz kechgan yarim final bahsida xitoylik Zetsi Chjouga imkoniyatni boy berib qoʻydi va shohsupaning uchinchi pogʻonasidan joy oldi.

Shuning bilan, delegatsiyamizning musobaqadagi medallari 7 ta kumush va 4 ta bronzaga yetdi.