2-avgust kuni Rossiya Federatsiyasining Moskva viloyatida ot sportining konkur yoʻnalishi boʻyicha “Maxsima Masters Eurasia Cup 2023” musobaqasining yakuniy bosqich bellashuvlariga start berildi. 5-avgustga qadar davom etadigan turnirning birinchi kuni Oʻzbekiston terma jamoasi uchun omadli oʻtdi.

Hamyurtlarimiz 140 sm balandlikdagi toʻsiqlardan sakrash dasturida yuksak mahorat koʻrsatib, kumush va bronza medallariga ega chiqishdi. Mazkur yoʻnalishda terma jamoa sardori Bekzod Qurbonov shohsupaning ikkinchi pogʻonasidan joy olgan boʻlsa, Nurjan Tuyakbayev kuchli uchlikni yakunlab berdi.