Hindistonda oʻtayotgan ogʻir atletika boʻyicha Osiyo chempionatida -73 kg vazn toifasining bahslari hamyurtlarimizning benefisiga aylandi. Boisi ushbu dasturdagi chiqishlari bilan ham oʻsmirlar, ham yoshlar toifasida qatnashgan polvonlarimiz 9 ta medalga sazovor boʻlishdi.

Oʻsmirlar oʻrtasida kechgan bellashuvda Hikmatillo Haydarov dast koʻtarishda 127 kg, siltab koʻtarishda 160 kg va ikki kurashda 287 natija koʻrsatib, mutlaq chempionlikni tantana qildi. Shuningdek, mazkur yoʻnalishda ishtirok etgan Isroilbek Ismoilov umumiy hisobda 264 (116+148) kg bilan bilan 3 ta bronza medaliga ega chiqdi. Yoshlar toifasida qatnashgan Abdulaziz Alimjonov esa ikki kurash boʻyicha 293 (133+160) kg bilan barcha yoʻnalishlarda kumush medallarga sazovor boʻldi.