Saytning eski versiyasi

Xitoyning Chendu shahrida oʻtayotgan Butunjahon yozgi Universiada oʻyinlarining yana bir kuni Oʻzbekiston delegatsiyasi uchun nihoyasiga yetdi. Unda hamyurtlarimiz uchta kumush medaliga ega chiqishdi.

Ularning ikkitasi taekvondo WT dasturiga toʻgʻri keladi. -58 kg vazn toifasida Amirxon Toʻrayev hamda -80 kgda Shuhrat Salayev finalgacha yetib kelib, hal qiluvchi bellashuvda imkoniyatni boy berib qoʻyishdi. Shuningdek, dzyudo boʻyicha erkaklar oʻrtasidagi jamoaviy dasturning finalida yaponiyalik sportchilarga imkoniyatni boy bergan hamyurtlarimiz ham shohsupaning ikkinchi pogʻonasidan joy oldi.

Bugungi bellashuvlardan soʻng delegatsiyamiz hisobidagi medallar 6 ta kumush va 1 ta bronzani tashkil etmoqda.