1 Avgust 2023
1054
Lyudmila Elefteriadi terma jamoamizga navbatdagi oltin medalni taqdim qildi
Hindistonda oʻtayotgan ogʻir atletika boʻyicha oʻsmirlar va yoshlar oʻrtasidagi Osiyo chempionatidan yana bir xushxabar. -59 kg vazn toifasidagi oʻsmir qizlar oʻrtasidagi dasturda Lyudmila Elefteriadi oltin medalni qoʻlga kiritdi.
Yurtdoshimiz dast koʻtarish mashqida 79 kg bilan bronza medalga, siltab koʻtarishda esa 98 kg bilan kumush medalga sazovor boʻldi. Ikki kurashda u qayd etgan 177 kg natija esa chempionlik uchun yetarli boʻldi.
1. Lyudmila Elefteriadi (Oʻzbekiston) – 177 (79+98) kg
2. Sayetang Kanita (Tailand) – 176 (81+95) kg
3. Xarika Bellana (Hindiston) – 176 (78+98) kg
