31 Iyul 2023
561
Chendu-2021: Delegatsiyamiz hisobida toʻrtinchi medal
Taekvondo WT boʻyicha Oʻzbekiston terma jamoasi aʼzolari ham Butunjahon yozgi Universiada oʻyinlarida oʻz ishtiroklarini boshlashdi. Quvonarlisi, ushbu sport turining birinchi kunidayoq hamyurtlarimiz delegatsiyamiz hisobiga dastlabki medalni taqdim qilishdi.
-54 kg vazn toifasida bahs olib borgan Omonjon Otajonov kumush medalga sazovor boʻldi. Bu yil jahon chempionatida sovrindorlar qatoridan joy olgan hamyurtimiz faqatgina finalda eronlik raqibiga imkoniyatni boy berib, ikkinchi oʻrinni band etdi.
Shu tariqa, Oʻzbekiston delegatsiyasining musobaqadagi medallari 3 ta kumush va 1 ta bronza medallarini tashkil etmoqda.
