Toshkentda voleybol bo’yicha 16 yoshgacha bo’lgan o’smir yigitlar o’rtasida Osiyo chempionati o’z yakuniga yetdi. Ma’lum qilganimizdek, bosh sovrin uchun O’zbekiston va Eron jamoalari bahs olib borishdi.

Qiziqarli kechgan uchrashuvning dastlabki setini yurtdoshlarimiz o’z foydasiga hal qilishdi. Afsuski, keyingi 3 set eronlik sportchilar ustunlik kelishdi. Shu tariqa, yigitlarimiz musobaqaning kumush medallariga sazovor bo’ldilar. Eslatib o’tamiz, bu barcha yosh toifalaridagi voleybolchilarimiz uchun qit’a birinchiligidagi ilk final bo’ldi. Qolaversa, ushbu natija evaziga terma jamoamiz kelasi yil bo’lib o’tadigan jahon chempionati yo’llanmasini ham qo’lga kiritishdi.