28 Iyul 2023
1097
Hindistonda yosh og‘ir atletikachilar jam bo‘lishdi
Bugun Hindiston poytaxti Nyu-Deli shahrida ogʻir atletika boʻyicha oʻsmirlar va yoshlar oʻrtasida Osiyo chempionati start oldi. 5-avgustga qadar davom etadigan mazkur musobaqada Oʻzbekiston terma jamoasi ham katta tarkibda qatnashadi.
Terma jamoamiz murabbiylar shtabi har ikki yosh toifasidagi bahslarda ishtirok etish uchun jami 36 nafar sportchini roʻyxatdan oʻtkazgan. Bu mezbon Hindiston bilan musobaqadagi eng katta tarkib hisoblanadi. Bugun eng yengil vazn toifasidagi bahslar bilan musobaqaga start berildi. Birozdan so'ng Munis Odilova (-40 kg) hamda Diyorbek Odilov (-49 kg) oʻz vazn toifalarida medallar uchun supaga chiqishadi. Boʻlajak bellashuvlarda yurtdoshlarimizga omad tilaymiz.
