27 Iyul 2023
634
“Alpomishda” polvonlar kurashi boshlanmoqda
Bugundan poytaxtimizdagi “Alpomish” sport saroyida dzyudo boʻyicha oʻsmirlar va yoshlar oʻrtasida Osiyo ochiq kubogi start oladi. 30-iyulga qadar davom etadigan musobaqada Oʻzbekiston, Gruziya, Qozogʻiston, Qirgʻiziston, Tojikiston va Turkmanistondan 600 nafardan ziyod sportchi ishtirok etadi.
Reglamentga muvofiq, bugun oʻsmirlar oʻrtasida yengil vazn toifalaridagi bellashuvlarda gʻolib va sovrindorlar aniqlanadi. Uchqun Murodov xotirasiga bagʻishlab oʻtkaziladigan mazkur anʼanaviy turnir joriy yil Xorvatiyaning Zagreb shahrida oʻtadigan oʻsmirlar, Portugaliyaning Odalvesh shahri mezbonlik qiladigan yoshlar oʻrtasidagi jahon chempionati oldidan iqtidorli yoshlarni saralab olish imkonini taqdim qiladi.
