26 Iyul 2023
394
Sportchilarimiz Universiada o‘yinlariga yo‘l olishdi
28-iyul – 8-avgust kunlari Xitoyning Chendu shahrida XXXI yozgi Universiada oʻyinlari boʻlib oʻtadi. Bugun unda ishtirok etadigan Oʻzbekiston delegatsiyasining asosiy qismi Xitoyga yoʻl oldi.
Bu yilgi Universiadada delegatsiyamiz taekvondo WT, dzyudo, ushu, gimnastika, tennis, qilichbozlik va yengil atletika sport turlarida 77 nafar atlet bilan qatnashadi. Bugun ushu, dzyudo, tennis va taekvondo WT boʻyicha terma jamoalarimiz Chin oʻlkasiga joʻnab ketgan boʻlsa, qolgan sport turlaridagi vakillarimiz reja asosida keyinchalik Chendu shahriga yetib borishadi.
Oʻzbekiston Milliy Olimpiya qoʻmitasi boʻlajak Oʻyinlarda talaba sportchilarimizga omad tilaydi!
