25 Iyul 2023
562
Xanchjou-2022 obyektlari: “Fuyang Yinhu Sports Centre” uchta sport turidagi bahslarni qabul qiladi
XIX Osiyo oʻyinlari bahslari boʻlib oʻtadigan inshootlar haqida maʼlumot berishda davom etamiz. Bugun Sizlar bilan kamondan otish, oʻq otish sporti va zamonaviy beshkurash boʻyicha bellashuvlarga mezbonlik qiladigan “Fuyang Yinhu Sports Centre” arenasi haqida gaplashamiz.
Ushbu majmua ham Atletlar shaharchasidan uzoqda joylashgan inshootlar qatoriga kiradi. Sportchilar arenaga borish uchun 44 km yoʻlni bosib oʻtishlari kerak. Obyektning ochiq havoda joylashgan sektorlariga 1815, ichkaridagi oʻq otish zaliga esa 3177 nafar muxlis tashrif buyurishi mumkin. Maʼlumot uchun, Oʻzbekiston delegatsiyasi boʻlajak Osiyo oʻyinlarida mazkur uchchala sport turida ham ishtirok etishni rejalashtirgan.
