23 Iyul 2023
914
“Olimpik”ning Turkiyadagi yig’ini tugadi
MOQ qoshidagi “Olimpik” klubi Turkiyadagi yig’inini yakunladi. Temur Kapadze shogirdlari Isparta shahrida tashkil etilgan yig’in davomida 3 ta o’rtoqlik uchrashuvini o’tkazishdi. Qayd etish joiz yig’in davomida klublarning o’zaro kelishuvi asosida ba’zi bahslarga o’zgartirish kiritildi.
Jamoamiz dastlab Qatarning “Al Marhiya”sini 4:1 hisobida dog’da qoldirgan bo’lsa, “Alanya 1863” darvozasiga javobsiz 16 ta to’p kiritdi. Turkiyaning 2019/20-yilgi chempioni, hozirda turk futbolining oltin avlodi vakili Emre Belezoglu boshqarib borayotgan “Istanbul Bashakshehir”ga esa 0:2 hisobida imkoniyatni boy berdi. “Olimpik” ikkinchi davraga tayyorgarlikni endilikda Toshkentda davom ettiradi.
