Bugun Italiyaning Milan shahrida qilichbozlik boʻyicha jahon chempionati boshlanadi. Musobaqada dunyoning 158 mamlakatidan tashrif buyurgan 1000 nafardan ziyod qilichboz gʻoliblik uchun bahs olib boradi. Ishtirokchilarning koʻpligi bois, dastlabki 3 kun barcha yoʻnalishlarda saralash bahslari oʻtkaziladi.

Bugungi dasturda ayollar shpaga, erkaklar sablya qurolida jang olib borishadi. Birinchi kunda jang qiladigan sportchilarimiz bilan tanishing:

Ayollar: Malika Hakimova, Sevara Rahimova, Shahzoda Egamberdiyeva, Dilnaz Murtazoyeva;

Erkaklar: Sherzod Mamutov, Zuhriddin Qodirov, Islombek Abdazov, Musa Aymuratov.