21 Iyul 2023
736
Xurshidbek Alimjonov “Maxsima Stable”da navbatdagi gʻalabasini tantana qildi
Rossiyada ot sportining konkur yoʻnalishi boʻyicha Yevrosiyo ligasining eng muhim turnirlaridan biri boʻlib oʻtdi. “Maxsima Stable” ot sporti majmuasida oʻtgan musobaqa Oʻzbekiston terma jamoasi uchun muvaffaqiyatli yakunlandi.
135 sm balandlikdagi toʻsiqlardan sakrash dasturida ishtirok etgan Xurshidbek Alimjonov mazkur yoʻnalishda eng yaxshi natija qayd etib, oltin medalga sazovor boʻldi. Bellashuvlar davomida sportchimizga “Chempions Ligas” laqabli tulpori hamrohlik qildi.
Musobaqadan soʻng chavandozlarimiz Chexiya poytaxtiga yoʻl olishdi. Yurtdoshlarimiz 26-30-iyul kunlari Praga mezbonlik qiladigan navbatdagi nufuzli turnirda ishtirok etishadi.
