Ogʻir atletika boʻyicha Oʻzbekiston terma jamoasi boʻlajak Osiyo oʻyinlarida yangi sahifa ochishni niyat qilgan. Sportchilarimiz Oʻyinlar davomida “Xiaoshan Sports Centre Gymnasium” arenasida bor mahoratlarini namoyish etishadi. Ushbu majmuada oʻtadigan ogʻir atletika bahslari 27-sentyabr – 4-oktyabr sanalariga belgilangan. Arena 1901 tomoshabinga moʻljallangan boʻlib, atletlar shaharchasidan 11.7 km uzoqlikda joylashgan.