8-17-iyul kunlari Fransiya poytaxti Parij shahrida para yengil atletika bo’yicha navbatdagi jahon chempionati bo’lib o’tdi. Unda O’zbekiston terma jamoasi muvaffaqiyatli ishtirok etib, 6 ta oltin, 7 ta kumush va 4 ta bronza, jami 17 ta medalga sazovor bo’ldi.

Ushbu natija evaziga delegatsiyamiz umumjamoa hisobida 8-o’rinni egalladi. Yana bir ahamiyatli tomoni, matonatli sportchilarimiz musobaqa davomida Parij-2024 Paralimpiya o’yinlariga 19 ta yo’llanmani qo’lga kiritishdi.

O’zbekiston Milliy Olimpiya qo’mitasi ushbu natija bilan O’zbekiston Milliy Paralimpiya qo’mitasi, sportchi va murabbiylarimizni samimiy qutlab, hamyurtlarimizga Parij-2024 Paralimpiya o’yinlarida ham munosib ishtirok etishlarini tilab qoladi.