17 Iyul 2023
797
Voleybolchilarimiz Markaziy Osiyo chempionatida muvaffaqiyatli qatnashishmoqda
Maʼlum qilganimizdek, ayni kunlarda poytaxtimizda voleybol boʻyicha 16 yoshgacha boʻlgan oʻsmirlar oʻrtasida Markaziy Osiyo chempionati boʻlib oʻtmoqda. Bugungi kun holatiga koʻra, musobaqada medallar uchun kurash olib borayotgan jamoalar nomi maʼlum boʻldi.
Unda ishtirok etayotgan 3 jamoamiz oltin medallar uchun kurashish imkoniyatini saqlab qoldi. Bugun oʻtkaziladigan yarim final oʻyinida yigitlarimiz eronlik tengqurlariga qarshi maydonga chiqishadi. 2 tarkibda ishtirok etayotgan qizlarimiz esa final chiptasi uchun oʻzaro bahs olib borishadi. Musobaqaning final oʻyinlari 19-iyul sanasiga belgilangan.
