Italiyaning Milan shahrida start oladigan qilichbozlik bo‘yicha jahon chempionati startiga 6 kun qoldi. Ayni paytda O‘zbekiston terma jamoasi Yevropada mazkur nufuzli turnirga tayyorgarlikni davom ettirmoqda. Ma’lum qilganimizdek, sablya va rapira qurollarida jang qiladigan atletlarimiz Vengriya poytaxti Budapeshtda, shpagachilarimiz esa Ispaniyaning Almeriya shahrida oxirgi bosqichni olib borishmoqda. Ushbu yig‘inlar yakunlangach har ikki jamoa ham to‘g‘ri Milanga yo‘l oladi.