13 Iyul 2023
1137
Suhrob Xodjayev termamizga Osiyo chempionatidagi dastlabki medalni taqdim qildi
Tailandda oʻtayotgan yengil atletika boʻyicha Osiyo chempionatida Oʻzbekiston terma jamoasi ilk medalini qoʻlga kiritdi. Erkaklar oʻrtasida bosqon uloqtirish dasturida ishtirok etgan Suhrob Xodjayev kumush medalga sazovor boʻldi.
Hamyurtimizning ikkinchi urinishda qayd etgan 71.83 metr natijasi unga qitʼa chempionatining kumush medalini keltirdi. Birinchi oʻrin xitoylik Van Siga nasib etgan boʻlsa, yaponiyalik Shota Fukuda kuchli uchlikni yakunlab berdi.
Bosqon uloqtirish, OCH:
1. Van Si (Xitoy) – 72.13
2. Suhrob Xodjayev (Oʻzbekiston) – 71.83
3. Shota Fukuda (Yaponiya) – 71.80
