Misrning Iskandariya shahrida zamonaviy beshkurash boʻyicha U-17 yosh toifasidagi jahon chempionati start oldi. 16-iyulga qadar davom etadigan musobaqada Oʻzbekiston terma jamoasi ham qatnashadi.

Hamyurtlarimiz bugun saralash bosqichidagi ishtiroklarini boshlashadi. Yigitlar oʻrtasidagi bellashuvlarda Asliddin Baxtiyorov, qizlar bahsida Kira Soy hamda Samira Abzalova yurtimiz sharafini himoya qilishadi.

Eslatib oʻtamiz, yosh sportchilarimiz musobaqadan avval 22-iyun – 10-iyul kunlari ushbu shaharda oʻquv-mashgʻulot yigʻinida qatnashishdi. Mashgʻulotlarda ishtirok etgan terma jamoamizning qolgan aʼzolari bugun tunda Toshkentga qaytib keldi.