Umidjon Jalolovni tabriklaymiz!
Bugun erkin kurash boʻyicha oʻsmirlar Olimpiadasi va yoshlar oʻrtasidagi jahon chempionati gʻolibi Umidjon Jalolov tavallud ayyomini nishonlamoqda.
Umidjon Jalolov 2002-yil 12-iyul kuni Buxoroda tugʻilgan. Qahramonimiz erkin kurash boʻyicha 2017-yil Bangkokda oʻtgan oʻsmirlar oʻrtasidagi Osiyo chempionati gʻolibi boʻldi. 2018-yil Toshkentda ushbu muvaffaqiyatni takrorlab, Buenos-Ayres-2018 oʻsmirlar Olimpiadasiga yoʻllanma olgan. Kichik Olimpiadada -48 kg vazn toifasida ishtirok etgan yosh polvonimiz raqiblariga hech qanday imkoniyat qoldirmadi va oltin medal sohibga aylandi. 2019-yil oʻsmirlar oʻrtasida, 2022-yil yoshlar oʻrtasidagi jahon chempionatida gʻalaba qozonib, shohsupaning eng yuqori pogʻonasiga koʻtarilgan.
Oʻzbekiston Milliy Olimpiya qoʻmitasi Umidjon Jalolovni tugʻilgan kuni bilan tabriklab, unga uzoq umr, ulkan muvaffaqiyatlar va sihat-salomatlik tilab qoladi.
