Kecha tunda qilichbozlik boʻyicha Oʻzbekiston terma jamoasi xalqaro oʻquv-mashgʻulot yigʻinida ishtirok etish uchun Yevropaga yoʻl oldi. Hamyurtlarimiz 22-iyul kuni Milanda boshlanadigan jahon chempionatiga tayyorgarlikning soʻnggi bosqichini “koʻhna qitʼa”da oʻtkazishadi.

Terma jamoa murabbiylarining rejasiga muvofiq, sablya (6 nafar sportchi) hamda rapira (5) qurollaridagi sportchilarimiz Vengriyaning Budapesht shahrida, shpagachilarimiz (8) esa Ispaniyaning Almeriya shahrida shugʻullanishadi. Mazkur yigʻinlar yakunlanganidan keyin sportchilarimiz toʻgʻri Milan shahriga yoʻl oladilar.