Turkiyaning Anqara shahrida taekvondo WT boʻyicha “Turkish Open” musobaqasi oʻz nihoyasiga yetdi. Musobaqaning soʻnggi kunida dayanga chiqqan sakkiz nafar hamyurtimizning yarmi gʻolib va sovrindorlar qatoridan joy oldi. Ahamiyatlisi, -74 kg vazn toifasida ikki nafar hamyurtimiz Jasur Jaysunov hamda Najmiddin Qosimxoʻjayev oʻzaro bahs olib borishdi. Qiziqarli uchrashuvda Osiyo chempioni Jaysunovning qoʻli balandi keldi. Umumiy hisobda Oʻzbekiston kattalar terma jamoasi mazkur musobaqani 3 ta oltin, 1 tadan kumush hamda bronza medallari bilan yakunlashdi. Barcha gʻolib va sovrindorlar:

Oltin medal:
-74 kg: Jasur Jaysunov
-87 kg: Nikita Rafalovich
-49 kg: Madinabonu Mannopova

Kumush medal:
-74 kg: Najmiddin Qosimxoʻjayev

Bronza medal:
-54 kg: Omonjon Otajonov

Shuningdek, musobaqaning kadetlar toifasida Islom Akchurin hamda Azizbek Sattorov oltin, Laylo Hasanova bronza medalini qoʻlga kiritdi.