Italiyaning Auronzo shahrida baydarka va kanoeda eshkak eshish boʻyicha yoshlar oʻrtasidagi jahon chempionati oʻz yakuniga yetmoqda. Unda qatnashayotgan Oʻzbekiston terma jamoasi bugun 2 ta kumush medaliga sazovor boʻldi.

Dastlab Vladlen Denisov Xonzoda Erkinova bilan 500 metrga kechgan 23 yoshli kanoechilar oʻrtasidagi mikst dasturida ikkinchi oʻrinni qoʻlga kiritdi. Shundan soʻng Vladlen 5000 metrga kechgan poygada ham marraga ikkinchi boʻlib yetib keldi.

С2 / U-23, mikst (500 metr)
1. Mixai Chixaya / Mariya Olarasu (Moldova) 
2. Vladlen Denisov / Xonzoda Erkinova (Oʻzbekiston) 
3. Martin Jakome / Yelena Millan (Ispaniya) 

С1 / U-23, 5000 metr
1. Xayme Duro (Ispaniya) 
2. Vladlen Denisov (Oʻzbekiston) 
3. Preslav Georgiyev (Bolgariya)