Bugun ajoyib bokschimiz, Olimpiya oʻyinlarining kumush medal sohibi Shahram Gʻiyosov tavallud ayyomini nishonlamoqda.

Shahram Gʻiyosov 1993-yil 7-iyul kuni Buxoroda tugʻilgan. Rio-2016 Olimpiya oʻyinlarining kumush medal sohibi. 2017-yil Toshkentda oʻtgan Osiyo chempionati va Gamburgda (Germaniya) oʻtgan jahon chempionati gʻolibi. Hozirda “Wonder Boy” nomi ostida professional boksda yorqin janglari bilan muxlislarimizni xursand etib kelmoqda. Qayd etgan natijalari uchun “Oʻzbekiston iftixori” faxriy unvoni bilan taqdirlangan.

Oʻzbekiston Milliy Olimpiya qoʻmitasi Shahram Gʻiyosovni tavallud ayyomi bilan tabriklab, unga uzoq umr, sihat-salomatlik va ulkan muvaffaqiyatlar tilab qoladi.