Konkur boʻyicha Oʻzbekiston terma jamoasi bosh murabbiyi va sardori Bekzod Qurbonovning Yevropadagi ishtiroki davom etadi. Hamyurtimiz bugun Polshaning Idzikovitse shaharchasida boshlanadigan CSI 2* tasnifidagi turnirda qatnashadi.

Musobaqada sportchimiz Germaniya, Belgiya, Polsha, Slovakiya, Latviya, Estoniya, Litva kabi mamlakatlarning sara chavandozlari bilan bellashadi. 9-iyulga qadar davom etadigan turnirda 100 nafarga yaqin atlet ishtirok etadi. Bellashuvlarda yurtdoshimizga yangi tulpori “Santos Hippica” hamrohlik qiladi.