15-iyul kuni Tailandning Pxuket shahrida boks boʻyicha “Chempionlar oqshomi” turniri tashkil etiladi. Ushbu turnirda Oʻzbekiston terma jamoasining uch nafar vakili ham ringga koʻtariladi. Shou doirasida Olimpiada va jahon chempioni Hasanboy Doʻsmatov, jahon chempioni Asadxoʻja Moʻydinxoʻjayev va JCH ishtirokchisi, bir qator xalqaro turnirlar gʻolibi Mujibillo Tursunov ringga koʻtariladi. Bokschilarimizning raqiblari bilan tanishing:

-51 kg: Hasanboy Doʻsmatov (Oʻzbekiston) — Martin Salvador Molina (Ispaniya)

-63.5 kg: Mujibillo Tursunov (Oʻzbekiston) — Xunarip Pidnuch (Tailand)

-71 kg: Asadxoʻja Moʻydinxoʻjayev (Oʻzbekiston) — Dulat Bekbauov (Qozogʻiston)

Janglar 3 daqiqadan 5 raund davom etadi. Maʼlumot uchun, IBA tomonidan bunday musobaqa 2022-yilning dekabr oyida ham tashkil etilgan va unda Bahodir Jalolov hamda Saidjamshid Jafarov ringga koʻtarilgan edi.