5 Iyul 2023
893
Uchkurashchilarimiz Germaniyadagi turnirda qatnashishadi
6-9-iyul kunlari Germaniyaning Zalsxauzen shahrida joylashgan mashhur “Luhmühlen Horse Trials” ot sporti majmuasida uchkurash boʻyicha CCI 2* tasnifiga kiruvchi musobaqa boʻlib oʻtadi. Ushbu nufuzli turnirda Oʻzbekiston terma jamoasi aʼzolari Muhammaddiyor Raimjonov hamda Alisher Erkinov ishtirok etishadi.
Yurtimizda endi rivojlanib borayotgan mazkur yoʻnalish boʻyicha sportchilarimiz soʻnggi davrda Yevropadagi musobaqalarda qatnashib, ulkan tajriba toʻplashmoqda. Zero, Germaniyada oʻtadigan mazkur start ham chavandozlarimiz uchun Xanchjou-2022 Osiyo oʻyinlariga tayyorgarlik vazifasini oʻtab beradi.
