Oʻzbekiston taekvondo WT assotsiatsiyasi rahbariyati tarkibida oʻzgarish. Shu paytgacha terma jamoa bosh murabbiyi sifatida faoliyat olib borgan mutaxassis Pavel Xan assotsiatsiya raisining oʻrinbosari lavozimiga tayinlandi. Bu haqida tashkilot matbuot xizmati xabar bermoqda.

Maʼlum qilinishicha, Pavel Xan endilikda assotsiatsiyaning sport yoʻnalishida faoliyat yuritadi. Mutaxassis barcha yoshdagi terma jamoalarimizning xalqaro musobaqalardagi ishtiroki hamda yurtimizda taekvondoni rivojlantirishda masʼul hisoblanadi. P.Xan bir vaqtning oʻzida terma jamoa bosh murabbiyligidagi vazifasini ham davom ettiradi.