Ayni kunlarda dzyudo bo’yicha O’zbekiston terma jamoasi Gruziyaning tog’li Bakuriani shahrida o’quv-mashg’ulot yig’inini olib bormoqda. 20-iyunda boshlangan yig’in 11-iyulga qadar davom etadi.

Bosh murabbiy Ilias Iliadis Gruziya safariga erkaklar terma jamoasining asosiy va zaxira sportchilari, shuningdek, ayollar jamoasidan Gulnoza Matniyazovani jalb qilgan. Ushbu yig’in orqali dzyudochilarimizning jismoniy tayyorgarligini oshirish ko’zda tutilgan bo’lib, mashg’ulotlar oldinda kutib turgan “Masters” turniri hamda Xanchjou-2022 Osiyo o’yinlariga munosib tayyorgarlik ko’rishga qaratilgan.