Moskva shahridagi “Yangi asr” majmuasida ot yo‘rttrish bo‘yicha “Maksima Masters” musobaqasining Yevrosiyo ligasi doirasidagi Kichik kubok sovrini uchun turnir o‘tkazildi. Unda Rossiya, O‘zbekiston va Qirg‘izistondan tashrif buyurgan chavandozlar g‘oliblik uchun bahs olib borishdi.

Jamoaviy yo‘nalish yakunida terma jamoamiz vakillari kumush medalni qo‘lga kiritishdi. Bellashuvlarda Alyona Derevyanko, Feruza Abdullayeva hamda Timur Panayev yurtimiz sharafini himoya qilishdi. Shaxsiy yo‘nalishda kechgan bahslarda esa “Monshofs Red Daymond” laqabli tulporda harakat qilgan Alyona Derevyanko bronza medali bilan taqdirlandi. Shuningdek, A.Derevyanko turnir doirasida o‘tgan “Ot festivali” dasturida ikkinchi natijani qayd etdi.